झारखंड नेशनल फिल्म फेस्टिवल म पहुंचिस संतोष जैन के चंदनिया , मुंबई अऊ उत्तर प्रदेश म मचा चुके हे धमाल

दीपक बावनकर@रायपुर ईरा फिल्म्स रायपुर के भोजपुरी फिलिम मिल गइली चंदनिया ह अब झारखंड फिल्म महोत्सव म शामिल होवैय्या हे , एखर निर्माता अऊ निर्देशक संतोष जैन ह बताइस कि ये फिलिम ल मुंबई अऊ उत्तरप्रदेश म सफलता मिलिस अऊ काफी पसंद करे गिस , ये फिलिम म अभिनेता आकाश सोनी ह दोहरा अभिनय करे हे जेमा लड़की के रूप म ओला खूब पसंद करे गिस

बता दन कि झारखंड के जमशेद पुर म सोलह ले अठ्ठारह अक्टूबर के बीच जम्मो फिलिम के प्रदर्शन होही ,
जेमा मिल गइली चंदनिया के भी प्रदर्शन करे जाहि ,ये फिलिम के सहायक निर्देशक अरुण यादव अऊ प्रभाकर बर्मन हावे अऊ कैमरामैन दीपक बावनकर के साथ प्रकाश राठौड़ रिहिस , झारखंड नेशनल फिल्म फेस्टिवल म छत्तीसगढ़ के फिलिम शामिल होय ले प्रदेश के कला जगत म हर्ष के लहर हे,संतोष जैन ह बताइस कि जल्द ही एला छत्तीसगढ़ी बोली म मिस्टर चंदनिया के रूप म छत्तीसगढ़ के दर्शक मन बर प्रदर्शित करे जाहि