अब छत्तीसगढ़ मा सुलगे लगिस जेएनयू के आगी, छात्र आंदोलन के तइयारी

रायपुर। शिक्षा पाय के अधिकार सब ला हवय लेकिन शिक्षा के नाम मा लूट ला बढ़ावा दे के सेती ही दिल्ली के जवाहरलाल नेहरू विश्वविद्यालय मा आंदोलन होवत हवय। इही आगी के आंच हर अब छत्तीसगढ़ कोती भी आवत हवय।

माने जावत हवय कि जेएनयू के वो आगी हर छत्तीसगढ़ मा भी कतको बेर असर देखा सकत हे। ए बारे मा हमर सूत्र मन के दावा हवय कि सब्बो विश्वविद्यालय के छात्र मन अब अपन अधिकार ला मांगे खातिर एक जंग के शुरुआत करइया हें। जानकारी इहू मिलत हवय कि एक-दो दिन मा कुशाभाऊ ठाकरे पत्रकारिता विश्वविद्यालय के बाहिर खड़े होके अपन अधिकार के लड़ई लड़इया छात्रों मन के टोली आवत हे।

ए बारे मा एनएसयूआई के प्रदेश प्रवक्ता तुषार गुहा हर जानकारी देवत हुए बताय हवय कि कुछ वरिष्ठ लोगन मन भी ये आंदोलन ला सफल बनाए बर शामिल होके जेएनयू मा जतका फीस है, ओखर विरोध करइया हे। यानी फीस बाढ़े के विरोध मा जम्मो झन एकजुट होके छात्र हित मा संघर्ष करे के बात करत हंवय।