ब्रेकिंग न्यूज..मुख्यमंत्री ल काला झंडा दिखाय बर पहुंचे जोगी कांग्रेस के कारयकरता मन गेरफ्तार
मुंगेली। मुख्यमंत्री डॉ. रमन सिंह आज मुंगेली जिला के पथरिया विकास खंड के दउरा म हे । उहें विभिन्न मांग मन ले लेके जोगी कांग्रेस के वरिष्ठ नेता अउ विधायक सियाराम कौशिक, चन्द्रभान बरमाते समेत सैकड़ों कारयकरता मन मुख्यमंत्री ल काला झंडा दिखाय बर पथरिया पहुंचे रहिन । येखर पहिली के उमन मुख्यमंत्र ल काला झंडा दिखातीस ओकर पहिली ही पुलिस ह उमन ल गेरफ़्तार कर लिस।
जोगी कांग्रेस के कारयकरता विगत कुछु दिन मन ले किसान मन के समस्या मन ल लेके लगातार प्रदरसन करत हवय। आज जब मुख्यमंत्री मुंगेली प्रवास म पहुंतिन त किसान मन ल फ़सल बीमा समेत विभिन्न मांग मन ल लेके रमन सिंह ल काला झंडा दिखाय और उंखर विरोध करे बर जनता कांग्रेस छत्तीसगढ़ के कार्यकर्ता मन विधायक सियाराम कौशिक, चन्द्रभान बरमाते के नेतृत्व म पथरिया पहुंचिन। उंखर पथरिया पहुंचते ही पुलिस उमन ल गेरफ़्तार कर लिस। येखर बाद कारयकरता मन ह जमके नारेबाजी करिन।
