Raipur : सीएम ह करीन घोसना, आरडीए के कॉलोनी म आवास खरीदी म पत्रकार मन ल मिलही 15 प्रतिसत के छूट, पढ़व
जय जोहार…. मुख्यमंत्री भूपेश बघेल ह रईपुर (Raipur) प्रेस क्लब म नववर्ष मिलन कारीकरम म सामिल होइन हे। वो हा कारीकरम म रईपुर विकास प्राधिकरण के कॉलोनी म आवास खरीदी परम पत्रकार मन ल 15 प्रतिसत के छूट के घोसना करीन। मुख्यमंत्री बघेल ह आज प्रेस क्लब म स्थापित जिम के घलो लोकार्पण करीन।
मुख्यमंत्री बघेल किहीन कि पत्रकारिता मुस्किल काम हे। पत्रकार मन ह कोरोना काल के कठिन परिस्थिति म घलो अपन दायित्व के निर्वहन ल बखूबी करे हे । (Raipur) वो हा किहीन कि जिनगी म दुख के हिस्सा जादा होत हे अउ सुख के हिस्सा कमती होत हे। दुख ल बांटे ले कमती होत हे। ए दउरान सीएम बघेल ह कोरोना काल म मरीज मन ल उत्कृष्ट सेवा प्रदान करइया एम्स रईपुर के निदेशक डॉ. नितिन एम. नागरकर ल सम्मानित करीन ।
(Raipur) कारीकरम म विधायक अउ छत्तीसगढ़ गृह निर्माण मण्डल के अध्यक्ष कुलदीप जुनेजा, छत्तीसगढ़ पाठ्य पुस्तक निगम के अध्यक्ष शैलेष नितिन त्रिवेदी, महापौर एजाज ढेबर, जनसम्पर्क विभाग के आयुक्त दीपांशु काबरा, संचालक सौमिल रंजन चौबे अउ प्रेस क्लब के कोषाध्यक्ष सुश्री शगुफ्ता शिरीन मौजूद रिहीन ।
