खेल मंत्री राजवाड़े के टोटका गिस बेकार ….

रायपुर/ कोरिया। छत्तीसगढ़ के कोरिया जिला म हाथा मन के आतंक थमे के नाम नइ लेवत हे। एक ओर हाथी मन ल भगाय म वन अमल ह पूरी तरह ले नाकाम साबित होलत हे, त उहें दूसर तरफ रहे सहे कसर ल प्रदेस के श्रम अउ खेल मंत्री भैयालाल राजवाड़े ह पूरा कर दीस हे। बता दन के भैयालाल राजवाड़े ह हाथा मन ल भगाय बर पूजा हवन के सहारा लेय रहिस हे। ये बीच म एक बार फेर ले हाथी मन के एक दल ह एक सियान महिला ल मउत के घाट उतार दिस।
लिहाजा, ये घटना के बाद ले ग्रामीन मन म काफी आक्रोस हे। बता दन के बीते 1 पखवाड़ा ले कोरिया जिला के चिरमिरी क्षेत्र म रहइया लोगन दहसत के साए म जीवत हे।
दरअसल, हाथी मन के दल रात म कभउ उंखर इलाका म पहुंच जाथे अउ कई ठन घर मन ल तोड़-फोड़ करने के बाद उहां रखे अनाज ल चट कर जाथे। सुबह होथ ही फेर ये हाथी मन जंगल के ओर चले जाथे। इही क्रम म बीती रात गुरुवार के हाथी मन के एक दल चिरमिरी नगर पालिक निगम क्षेत्र के वार्ड नंबर 11 म आ धमकीस। हाथी मन के आय के भनक लगत ही ग्रामीन अपन-अपन घर मन ले निकल कर भागे लगिन। इही बीच म कुंती बाई नामक एक सियान ह महिला हाथी मन के झुंड म फंस गे, जेला हाथी मन ह पइर म तले कुचलके मार डालिस।
इधर, इस हादसा के बाद वन विभाग के कोनो भी करमचारी मउवका म नइ पहुंचिन। ग्रामीन मन के कहिना हे के बिभाग सिरिफ लोगन ल हाथी मन ले दूर रहे के सलाह देथे, लेकिन इहां ले हाथी मन ल खदेड़े बर कोनो प्रयास नइ करत हे।