किसान मित्र ह मुख्यमंत्री राहत कोष म दिस 3.59 लाख रूपिया दान

जय जोहार…. महासमुंद जिला म कार्यरत 471 किसान मित्र मन ह अपन एक महिना के वेतन ल कोरोना महामारी ले लड़े बर मुख्यमंत्री भूपेश बघेल ले मिल के मुख्यमंत्री राहत कोष म दे हे। जिला के पिथौरा, बसना अऊ सराईपाली के किसान मित्र मन ह तीन लाख 59 हजार रूपिया के चेक सौंपे हे अऊ महासमुंद ब्लाक के बचे राशि राशि ल घलो जल्द सौंपे जाही। अंकित बागबाहरा के नेतृत्व म किसान मित्र संघ ह रायपुर म मुख्यमंत्री भूपेश बघेल ले मुलाकात कर चेक ल सौंपिस।

बता देन कि किसान मित्र ह 2011 ले अस्तित्व म आये हे अऊ सरलघा किसान हित म मैदानी क्षेत्र म कार्य कर अलग-अलग योजना ले किसान मन ल अवगत करात हे। समय-समय म लाभकारी, दवा के छिड़काव आदि के जानकारी घलो देत रहत हे। ओ मन ल एक हजार रूपिया मानदेय मिलत हे।