ए जिला म फेर मिलिस कोरोना के तीन नवा मामले, सक्रिय मरीज मन के संख्या होइस 15

जय जोहार…. बलौदाबाजार-भाटापारा जिला म बीते मंगलवार के कोरोना के तीन नवा मामले के पहचाय होय हे। एम्स रायपुर ह नमूना के जांच के बाद तीन नवा प्रकरण के पुष्टि करत हुये रिपोर्ट ल जिला प्रशासन ल भेजे हे। एखर पहिले जिला म कोरोना मरीज मन के संख्या 20 रहिस। ए तीन नवा मामले ल मिला के कोरोना के कुल संक्रमित मरीज मन के संख्या ह 23 हो गे हे।

ऊहचे आठ मरीज ह पिछिले दिन रायपुर म इलाज के बाद स्वस्थ होके लहुट आये हे। सक्रिय मरीज मन के संख्या ह 12 ले बाढ़ के 15 हो गे हे। मुख्य चिकित्सा अऊ स्वास्थ्य अधिकारी डॉ. खेमराज सोनवानी ह बताइस कि कोरोना के तीन नवा प्रकरण म दू पलारी अऊ एक बलौदाबाजार विकासखण्ड ले हे।