किसान सभा ह करिन धान बीज के कीमत म वृद्धि ल वापस ले के मांग

जय जोहार रायपुर…. छत्तीसगढ़ किसान सभा ह बीज विकास निगम के तरफ ले धान बीज के कीमत म वृद्धि के विरोध करे हे अऊ एला वापस ले के मांग करे हे। किसान सभा ह कहिन कि एखर ले कोरोना संकट ले बर्बाद किसान ह धान उत्पादन के प्रति हतोत्साहित होही। जेखर ले प्रदेश के खाद्यान्न सुरक्षा अऊ आत्मनिर्भरता बर खतरा पैदा होही।

बता देन कि बीज विकास निगम ह अलग-अलग श्रेणी के धान बीज के कीमत म ए वर्ष 100 रूपिया ले लेके 250 रूपिया प्रति क्विंटल तक के वृद्धि करे हे। पिछले वर्ष घलो एखर कीमत मन म वृद्धि करे गे रहिस। छत्तीसगढ़ किसान सभा के राज्य अध्यक्ष संजय पराते अऊ महासचिव ऋषि गुप्ता ह बयान जारी कर बताइस कि वर्ष 2018 की तुलना म ये वृद्धि 400 रूपिया ले लेके 650 रूपिया प्रति क्विंटल तक हे। जबकि ए दो वर्षों के दौरान धान की कीमत  म औसत वृद्धि महज 3.7 प्रतिशत रही हे।