कोरोना संकट के बीच विधायक विकास उपाध्याय ह करिन कोरोना वॉरियर्स के सम्मान

जय जोहार रायपुर…. कोरोना संकट के दौरान जनता के सेवा करत सफाई कर्मचारी, डॉक्टर, पुलिस, सामाजिक संस्था, धार्मिक संगठन, महिला मंडल अऊ युवा मंडल के रायपुर पश्चिम विधायक विकास उपाध्याय ह ओखर कार्य स्थल म जा के श्रीफल, बिस्किट अऊ हार पहना के सम्मान करिन।  ए दौरान विधायक ह ओमन ल कोरोना महामारी के खिलाफ लड़ाई म योद्धा बताइस।

ए अवसर पर विधायक विकास उपाध्याय ह कहिन कि मुख्यमंत्री भूपेश बघेल के सफल नेतृत्व, दूरगामी सोच अऊ कठोर निर्णय के चलत छत्तीसगढ़ म कोरोना महामारी संकट ल नियंत्रित करे म सफल होय हे। मुख्यमंत्री भूपेश बघेल के आह्वान म प्रदेश के ढाई करोड़ जनता ह अपन घर म रह के जेन जागरूकता अऊ जिम्मेदार होय के परिचय दे हे। वे स्वागत योग्य अऊ बधाई के पात्र हे।