chhattisgarh: रेल अउ हवाई मार्ग ले छत्तीसगढ़ अवइया यात्री मन के कोविड रिपोर्ट निगेटिव आय म ही जा सकही घर, पढ़व
जय जोहार…. (chhattisgarh) रेल अउ हवाई मार्ग ले छत्तीसगढ़ अवइया यात्री मन बर कोविड टेस्ट के संबंधम सामान्य प्रशासन विभाग छत्तीसगढ़ ह दिशा-निर्देश जारी करे हे। ए संबंध म सामान्य प्रशासन विभाग ह राज्य के सबो संभागायुक्त, पुलिस महानिरीक्षक, कलेक्टर अउ पुलिस अधीक्षक ल पत्र जारी कर दे हे, जेमा दिशा निर्देश के कड़ाई ले पालन सुनिश्चित करे ल कहे गे हे।
जारी पत्र म कहे गे हे कि रेल अउ हवाई मार्ग ले छत्तीसगढ़ (chhattisgarh) अवइया यात्री मन बर एयरपोर्ट पहुंचे के पूर्व 72 घंटा के भीतर कराये गे आरटीपीसीआर जांच टेस्ट के निगेटिव रिपोर्ट होना अनिवार्य होही। जेन यात्री मन के कोरोना टेस्ट रिपोर्ट निगेटिव होही, ओ मन ल घर जाय के अनुमति होही। अईसे यात्री जेखर करा निगेटिव रिपोर्ट नई हे, ओखर कोरोना टेस्ट कराये जाही। पाजिटिव आय के स्थिति म नियम के अनुसार ओ मन ल स्थानीय क्वारेंटीन सेंटर म रखे जाही।
जारी दिशा निर्देश के अनुसार अईसे यात्री जेखर करा निर्धारित समय अवधि के आरटीपीसीआर जांच टेस्ट रिपोर्ट नई होही। (chhattisgarh) एखर कोविड टेस्ट रेलवे स्टेशन अउ एयरपोर्ट म करे जाही। कोविड टेस्ट रिपोर्ट पाजिटिव आय म ओ मन ल संस्था गत क्वारेंटीन, कोविड केयर सेंटर अउ अस्पताल म रखे जाही।
