जय जोहार…. (chhattisgarh) प्रदेस के कृषि विज्ञान केन्द्र कोरिया ल भारत सरकार डहार ले देस के सर्वश्रेष्ठ कृषि विज्ञान केन्द्र के रूप म पुरस्कृत करे गे हे। कृषि विज्ञान केन्द्र कोरिया ल छत्तीसगढ़ सासन की महत्वाकांक्षी योजना नरवा, गरूवा, घुरवा अउ बाड़ी के प्रभावी क्रियान्वयन अउ कृषक मन के उद्यमिता विकास बर सम्मानित करे गे हे।
भारतीय कृषि अनुसंधान संस्थान के 93 वें स्थापना दिवस के अवसर पर शुक्रवार के कृषि भवन नई दिल्ली म आयोजित सम्मान समारोह म केन्द्रीय कृषि मंत्री नरेन्द्र सिंह तोमर ह कृषि विज्ञान केन्द्र कोरिया ल देस भर म संचालित 722 कृषि विज्ञान केन्द्र म सर्वश्रेष्ठ कृषि विज्ञान केन्द्र के रूप म कृषि विज्ञान राष्ट्रीय प्रोत्साहन पुरस्कार-2020 ले सम्मानित करीन । (chhattisgarh) मुख्यमंत्री भूपेश बघेल, कृषि अउ जल संसाधन मंत्री रविन्द्र चौबे ह कृषि विज्ञान केन्द्र कोरिया ल ए गौरवपूर्ण उपलब्धि म बधाई अउ सुभकामना देहे।
ए कारीकरम म केन्द्रीय पशुधन विकास मंत्री पुरूषोत्तम रूपाला, कृषि राज्य मंत्री कैलाश चौधरी, सुश्री शोभा करंदलाजे, भारतीय कृषि अनुसंधान परिषद के महानिदेशक डॉ. त्रिलोचन महापात्रा, उपमहानिदेशक डॉ. ए.के. सिंह उपस्थित रिहीन । कृषि उत्पादन आयुक्त छत्तीसगढ़ डॉ. एम.गीता, कृषि प्रौद्योगिकी अनुप्रयोग अनुसंधान संस्थान जबलपुर के निदेशक डॉ. एस.आर.के. सिंह, (chhattisgarh) इंदिरा गांधी कृषि विश्वविद्यालय के कुलपति डॉ. एस.के. पाटिल एवं निदेशक विस्तार सेवाएं डॉ. एस.सी. मुखर्जी कारीकरम म वर्चुअल सामिल होइन हे।
No Comment! Be the first one.