जय जोहार। (chhattisgarh ) मुख्यमंत्री भूपेश बघेल के पहल म छत्तीसगढ़ के सबो नगरीय क्षेत्र म ’कृष्ण कुंज ’ विकसित करे जाही। कृष्ण कुंज म बरगद, पीपल, नीम अउ कदंब जइसे सांस्कृतिक महत्व के जीवनोपयोगी वृक्ष के रोपण करे जाही । मुख्यमंत्री ह सबो कलेक्टर ल ’कृष्ण कुंज’ विकसित करे बर वन विभाग ल न्यूनतम एक एकड़ भूमि के आबंटन करे के निर्देस देहे । अवइया कृष्ण जन्माष्टमी के दिन पूरा राज्य म ’कृष्ण कुंज’ बर चिन्हित स्थल म वृक्ष के रोपण प्रारंभ करे जाही।
मुख्यमंत्री ह किहीन कि हमर मन के देस म बरगद, पीपल, नीम, कदंब अउ आन वृक्ष के पूजा करे के अत्यंत प्राचीन परंपरा हे । (chhattisgarh ) मनखे बर वृक्ष के अत्यधिक उपयोगिता होय के सेती हमर मन के परंपरा म एमन ल महत्वपूर्ण स्थान दे गेहे। परंतु गत बछर म नगरीय क्षेत्र के तीव्र विकास होय के सेती वृक्ष के होवत अंधाधुंध कटाई ले वृक्ष के अस्तित्व खतरा म पड़ गेहे ।
मुख्यमंत्री ह सबो कलेक्टर ल नगरीय क्षेत्र म अइसे सांस्कृतिक महत्व के जीवनोपयोगी वृक्ष के रोपण बर उपयुक्त न्यूनतम 01 एकड़ शासकीय भूमि के आबंटन तत्काल वन विभाग ल करे के निर्देस देहे । (chhattisgarh ) मुख्यमंत्री ह किहीन कि वृक्षारोपण ल जन जन ले अउ अपन सांस्कृतिक विरासत ले जोड़े अउ विशिष्ट पहचान दे बर एखर नाव ’कृष्ण कुंज’ रखे जाये।
No Comment! Be the first one.