जय जोहार…. हरिद्वार (Haridwar) म एक अप्रैल ले कुंभ के आयोजन करे जाही। कोरोना महामारी ल देखत हुये एखर अवधि ल 28 दिन तक सीमित रखे के निर्णय ले गे हे। ये जानकारी ल सीएम त्रिवेंद्र सिंह रावत ह दे हे।
सीएम रावत ह कहिन कि ए निर्णय करे ले पहिले हरिद्वार के संत मन ल विस्वास म ले गे हे। कुंभ बर केंद्र अऊ राज्य सरकार के तरफ ले जारी मानक संचालन प्रक्रिया के श्रद्धालु मन ल कड़ाई ले पालन करे ल होही।
मानक संचालन प्रक्रिया के अनुसार (Haridwar) श्रद्धालु मन ल तभी कुंभ म सामिल होय के अनुमति होही, अगर ओ हा कोराना वायरस के निगेटिव रिपोर्ट पेश करही, जेन ओखर पहुंचे के 72 घंटा ले पहिले जारी नई करे गे हो। ए बारे म जल्दी अधिसूचना जारी होही।
बता देन कि (Haridwar) पहिली घांव कम समय बर कुंभ के आयोजन होवत हे। एखर पहिले कंभ चार महिना ले अधिक समय तक चलत रिहिन। तीन शाही स्नान एक अप्रैल ले 28 अप्रैल के बीच होही। पहिला शाही स्नान 12 अप्रैल, दूसर 14 अप्रैल अऊ तीसर ह 27 अप्रैल के होही।
Other Articles
Raipur म 26 फरवरी ले सुरू होवइया हे स्वदेसी मेला, पढ़व पूरा खबर
