रायपुर। छत्तीसगढ़ के पूरव वित्तमंत्री रामचन्द्र सिंहदेव के सेहत अभी घलो नाजुक बन हुए हे। उंखर तबीयत ल लेके रामकृष्ण अस्पताल के डॉक्टर मन ह मेडिकल बुलेटिन म बताइन के उमन ल जब इहां इलाज बर लाय गे हे तब ले उमन ल सांस ले म तकलीफ होवत रिहिस हे अउ उमन ह लगातार उल्टी करत हवय।
रामकृष्ण अस्पताल के डॉक्टर डॉ सुशील जैन, न्यूरोलॉजिस्ट डॉ संजय शर्मा अउ डॉ अब्बास नकवी ह बताइस के बुधवार दोपहर म उंखर सरीर म ऑक्सीजन के कमी हो गे रिहिस हे। .ये दउरान ब्लड प्रेशर घलो लो होगे। उमन ल कार्डियक अरेस्ट होय रिहस हे। उमन के हालत अभी घलो गंभीर बने हे । उमन ल वेंटिलेटर म रखे गेहे। दवा मन के स्पोर्ट म डॉक्टर मन के कहिना हे ब्लड प्रेशर मेंटेन हे अउ वेंटिलेटर स्पोर्ट ले सरीर ल ऑक्सीजन ले कंट्रोल करे जात हे।
डॉक्टर मन ह साफ कहिन के सिंहदेव ब्रेन डेड नइए। उमन ह अपील करिस के अइसे अफवाह मन म धियान न देवव। उल्लेख करे के बाक हे के बुधवार के इलाज बर दाखिल कराय के कुछु घंटा बाद ही उंखर निधन के खबर फइल गे रिहिस हे। सिंहदेव छत्तीसगढ़ के पहिली वित्त मंत्री रह चुके हे। उमन ह कोरिया कुमार के नाम ले जाने जात हे। उंखर तबीयत बिगड़े के खबर पा के मुख्यमंत्री डॉ रमन सिंह समेत बड़ संख्या म लोगन मन अस्पताल जा के हालचाल जान हवय।
