रायपुर । मंडी गेट म सभा के बाद जनता कांग्रेस छत्तीसगढ़ के कार्यकर्ता अमित जोगी के नेतृत्व म विधानसभा के घेराव करे के कोसिस करिन। जेला पुलिस ह रास्ता म ही रोक के कोसिस करिस। ये दउरान पुलिस अउ जोगी कांग्रेस के कार्यकर्ता मन के बीच झूमा झटकी होइस।
विधानसभा के घेराव कर बर निकले के पहिली अमित जोगी ह मंडी गेट म सभा करिस। ये मउका म उमन बीजेपी अउ कांग्रेस उपर जमके हमला बोलिस। अमित जोगी ह कहिन के सदन के भीतर म अगर सत्तापक्ष अउ विपक्ष रोमांस करही त छत्तीसगढ़ के जनता ल विधानसभा के घेराव करे बर जाना पड़ही। घेराव बर मंडी गेट पंडरी के तीर आयोजित जनसभा ल बड़ संख्या म जनता कांग्रेस नेता अउ कार्यकर्ता मन के संग लोगन के भीड़ जुटे हे।
