weather : प्रदेस म अवइया 2-3 दिन म हो सकत हे बरसा, न्यूनतम तापमान म 4 ले 5 डिग्री के होही वृद्धि, पढ़व

जय जोहार। (weather) प्रदेस म अवइया 24 फरवरी के सरगुजा संभाग अउ बिलासपुर संभाग म एक ले दू स्थान म हल्का बरसा या बूंदाबांदी होय के संभावना हे । अइसने 25 फरवरी अउ 26 फरवरी के प्रदेस के बिलासपुर, दुर्ग अउ रायपुर संभाग के जिला म एक ले दू स्थान म हल्का बरसा अथवा छीटा पड़े के संभावना हे ।

मौसम (weather) विभाग ले प्राप्त जानकारी के अनुसार पश्चिमी विक्षोभ के प्रभाव ले ऊपरी हवा के चक्रवाती घेरा ह दक्षिण पाकिस्तान अउ ओखर ले लगे राजस्थान के ऊपर 1.5 किलोमीटर ऊंचाई तक स्थित हे। एखर सेती प्रदेस म हवा के दिसा दक्षिण होय के संभावना हे ।

प्रदेस म 23 फरवरी के (weather) सरगुजा अउ बिलासपुर संभाग के एक ले दू स्थान म देर रात अथवा 24 फरवरी के बिहनिया हल्का बरसा अथवा बूंदाबांदी के संभावना है। प्रदेस म अवइया 3 दिनों म न्यूनतम तापमान म 4 ले 5 डिग्री वृद्धि होय के संभावना हे ।