दसवीं अऊ बारहवीं बोर्ड ल छोड़ के सबो स्थानीय परीक्षा मन ह होइस स्थगित, लोक शिक्षण संचालनालय ह जारी करिस आदेश

जय जोहार रायपुर…. कोरोना वायरस के बढ़त असर ल देखत हुए प्रदेश म दसवीं अऊ बारहवीं बोर्ड के परीक्षा ल छोड़ के सबो स्थानीय परीक्षा ल स्थगित कर दे गे हे। ए संबंध म लोक शिक्षण संचालनालय ह सबो जिला शिक्षा अधिकारी मन ल आदेश जारी करे हे।

ए आदेश ले पहली ले आठवीं तक के परीक्षा के संगेसंग नौवीं अऊ ग्यारहवीं के परीक्षा ल घलो स्थगित कर दे गे हे। बता देन कि सनिच्चर ले ग्यारहवी अऊ 19 मार्च ले नौवीं के परीक्षा होवइया रहिस।