जय जोहार…. बलौदाबाजार जिला (Balodabazar District) म कोरोना संक्रमण के सरलग बाढ़त मामला ल देखत हुये कलेक्टर सुनील कुमार जैन ह लाकडाउन ल 29 अप्रैल के शाम 6 बजे तक बढ़ा दे हे।
बता देन कि (Balodabazar District) जिला म पहिले लाकडाउन 21 अप्रैल संझा 6 बजे तक रिहिन, जेला बढ़ा के 29 अप्रैल संझा 6 बजे तक कर दे गे हे। बलौदाबाजार जिला म सबले लंबा लाकडाउन लगाए गे हे। प्रदेश के दूसर जिला म 26 अप्रैल तक ही लाकडाउन ल बढ़ाये गे हे। कलेक्टर ह आदेश म कहे हे कि जिला म संक्रमित अउ मृतक मन के बाढ़ते संख्या ह चिंताजनक हे। ए बेरा मनखे मन के जान बचाना सर्वोच्च प्राथमिकता हे। एखर सेती ये निर्णय ले गे हे।
(Balodabazar District) बलौदाबाजार-भाटापारा जिल म रविवार के कोरोना के 516 नवा मरीज मिले हे। इंहा कोरोना मरीज मन के कुल संख्या ह 19403 हो गे हे। जबकि 8 मरीज के मौत हो गे हे। अब तक जिला म 202 मरीज के जान चले गे हे। उहचे 27 मरीज मन ह इलाज के बाद बने हो गे हे। कुल 11336 मनके मन ह कोरोना ले जंग जीत गे हे।
