कोरोना के डर ले हिदायतुल्लाह लॉ यूनिवर्सिटी म तालाबंदी के आदेश, विश्वविद्यालय म करे गिस 10 दिन के अ‌वकाश घोषित

जय जोहार रायपुर…. राजधानी रायपुर के राष्ट्रीय हिदायतुल्लाह लॉ यूनिवर्सिटी म कोरोना वायरस फैलने के सूचना ले हड़कंप मच गे हे। सूचना के बाद विश्वविद्यालय प्रशासन ह यूनिवर्सिटी म तालाबंदी के आदेश जारी कर दे हे। आदेश म सबो छात्र मन ल आज शाम तक कैंपस ल खाली करे बर केहे गे हे। ऊहचे विश्ववि्दयालय म 10 दिन के अवकाश घोषित करे गे हे।

मिली जानकारी के मुताबिक केरल अऊ दिल्ली ले हाल म लहुटे छात्र मन ल जुकाम हो गे हे। एखर बाद ले विश्वविद्यालय म हड़कंप मच गे हे। देशभर के 900 छात्र मन ल अनिवार्य रूप ले अवकाश लेके घर जाए के आदेश जारी करे गे हे।

बता देन कि विश्वविद्यालय म पढ़ाई करे बर देश के कोना-कोना ल लगभग 900 विद्यार्थी मन ह हास्टल के संग विश्ववि्दयालय म प्रवेश ले हे।