लोकसभा सांसद दीपक बैज ह प्रधानमंत्री नरेंद्र मोदी ल लिखिस पत्र, करिन ये मांग

जय जोहार…. लोकसभा सांसद दीपक बैज ह प्रधानमंत्री नरेंद्र मोदी ल पत्र लिखे हे। एमा सांसद बैज ह छत्तीसगढ़ के प्रवासी मजदूर मन ल लाय बर विशेष ट्रेन चलाय के मांग करे हे।

सांसद ह पत्र म लिखे हे कि बड़े संख्या म छत्तीसगढ़ के मजदूर ह बाहरी राज्य म फंसे हे। जेन कंस्ट्रक्शन के काम करे ल जम्मू कश्मीर, उत्तरप्रदेश, झारखंड अऊ कर्नाटक के संग अन्य राज्य गए हुये हे अऊ लॉकडाउन के चलत ऊहचे फंस गे हे। मजदूर मन ल सड़क मार्ग ले लाय गिस, त अत्याधिक परेशानी के सामना करे ल पड़ सकत हे। इसलिए आप ले निवेदन हे कि आप ट्रोल फ्री नंबर जारी कर विशेष ट्रेन ल चलाय बर अनुमति प्रदान करे, जेखर ले बाहरी राज्य म फंसे मजदूर मन के घर वापसी हो सके।