राजनादगांव। छत्तीसगढ़ के राजनादगांव जिला म धान उपार्जन केंद्र म तेजी ले चलत धान खरीदी प्रक्रिया के बीच रामपुर धान खरीदी केंद्र म बड़े अनियमितता सामने आए हे। कलेक्टर संजय अग्रवाल के निर्देश म खाद्य विभाग के संयुक्त जांच दल ह डोंगरगांव विकासखंड के अंतर्गत स्थित ए केंद्र के औचक निरीक्षण अउ भौतिक सत्यापन करिन।
निरीक्षण म सेवा सहकारी समिति मर्यादित रामपुर द्वारा संचालित धान खरीदी केंद्र म लगभग 6768 बोरा धान प्रथम दृष्टया ले फर्जी खरीदी करे जाना पाए गे हे। निरीक्षण के बेरा समिति प्रबंधक सह धान खरीदी प्रभारी दिलीप चंद्राकर अउ ऑपरेटर नरेन्द्र वर्मा मौके म उपस्थित रिहीन।
कलेक्टर अग्रवाल ह ए गंभीर मामला ल गंभीरता ले लेवत जिला सहकारी केंद्रीय बैंक मर्यादित, राजनांदगांव के मुख्य कार्यपालन अधिकारी ल निर्देश दिस हे कि ए मामला म संबंधित कर्मचारी मन के खिलाफ वैधानिक कार्रवाई सुनिश्चित करे जाए।
राज्य शासन के निर्देशानुसार जिले के जम्मों धान उपार्जन केंद्र के संयुक्त जांच दल ह भौतिक सत्यापन करत हे। निरीक्षण के बेर अनियमितता पाए जाए म संबंधित व्यक्ती के खिलाफ सख्त कार्रवाई घलो करे जात हे।
