मर्दानी कस दिखत हे गद्दार म , अदाकारी म वापसी करे हे सुभाषिनी जार्ज

दीपक बावनकर@रायपुर कोई ल अपन मन माफिक रोल मिल जाय टी का कहना , अइसने होईस सुभाषिनी संग ओखर इच्छा रिहिस कि कोई न कोई फिलिम म ओला पुलिस वाली के रोल मिलतीस त ओमा वो ह बने ढंग ले अभिनय करतीस अऊ वो समय आगे , सुभाषिनी ल गद्दार फिलिम म पुलिस वाली के रोल बर ऑफर मिलिस त वो ह सहर्ष तैयार होगे अऊ बने ढंग ले अपन अभिनय करिस.

गद्दार एक सस्पेंस फिलिम हे जेमा किस लाल कुर्रे , पूनम  , स्वीटी , टेशू डोंगरे , अजय सहाय ,अंजना ,पुष्पांजलि शर्मा समेत बहुत कलाकार मन अभिनय करे हे , निर्देशक एजाज वारसी ह किहिस कि गद्दार म सब्बो झन बने अभिनय करे हे अऊ खासकर सुभाषिनी ह पुलिस वाली के रोल म फिट बैठे हे , फिलिम के शूटिंग लगभग पूर्ण होगे हे ,जल्द ही एला रिलीज करे के दिशा म काम करे जाहि , गद्दार के सिनेमेटोग्राफर इमरान खान हवे जेन ह अभी सोचत सोचत प्यार होगे घलो करे हे .