अमर शहीद गेंदसिंह के शहादत दिवस आज, मुख्यमंत्री ह करिन ओमन ल याद

रायपुर : आज अमर शहीद गेंदसिंह के शहादत दिवस हे । ए मौके म मुख्यमंत्री विष्णु देव साय ह आज मुख्यमंत्री निवास कार्यालय म उखर छायाचित्र म पुष्प अर्पित करके ओमन ल नमन करिन। संग म ओमन ह, अमर शहीद गेंदसिंह के आजादी बर देय बलिदान ल लेके ओमन याद करत कहिन कि परलकोट जमींदारी के जमींदार शहीद गेंद सिंह ह ब्रिटिश अधिकारी मन के शोषण के विरुद्ध स्वतंत्रता आंदोलन के शंखनाद करिन। शहीद गेंद सिंह ह अंग्रेज मन ले लोहा लिन अउ अपन क्षेत्र म अंग्रेजी शासन के नीती के विरोध करिन। ओमन ह कहिन कि हमन जम्मों शहीद गेंद सिंह के स्मरण करके उखर बताए मार्ग म चले के संकल्प लिन अउ समाज के उत्थान म अपन योगदान दिन।

बस्तर के आदिवासी भाई-बहनी के अधिकार मन बर संघर्ष करइया मुक्ति आंदोलन के नायक शहीद गेंदसिंह के मातृभूमि के मुक्ति बर देय गे हे अविस्मरणीय बलिदान हमन जम्मों ल देशसेवा बर अपन सर्वस्व न्यौछावर करे के प्रेरणा देवत रहि। ए अवसर म अखिल भारतीय हलबा हलबी आदिवासी समाज छत्तीसगढ़ केंद्रीय महासभा के अध्यक्ष देवेंद्र महला, आई.आर. देहारी सहित अन्य सदस्य उपस्थित रहिन।