रायपुर. भारतीय जनता पार्टी कार्यालय एकात्म परिसर म सोमवार के उत्तर विधानसभा कार्यकर्ता मन के बइठक आयोजित करे गिस। बइठक म कार्यकर्ता मन ल रिचार्ज करत हुए पार्टी कोती ले लोकसभा चुनाव ल ले के अहम जुम्मेदारी दे गिस.
बइठक म उत्तर विधानसभा के पूर्व विधायक श्रीचंद सुंदरानी ह कहिन के, 55 साल कांग्रेस के सरकार रहिस हे, लेकिन जनता ल कांग्रेस ले लाभ नइ मिलिस। उहें पीएम मोदी ह अपन 55 महीना के कार्यकाल म विकासोन्मुखी योजना मन ल लागू कर जे कहिस वो करके दिखाइस हे. पुलवामा घटना के बाद देस के प्रधानमंत्री ह पाकिस्तान म एयरस्ट्राइक कर के पाकिस्तान ल उंखर हैसियत बताइस हे.
बता देवन के, लोकसभा चुनाव ल ले के भाजपा मंडल, बूथ शक्ति केंद्र ल मजबूत करे जात हे. विधानसभा चुनाव म करारी हार के बाद लोकसभा चुनाव म पूरी ताकत झोंके जात हवय. एमा पुलवामा घटना अउ सरकार के द्वारा कराए गे कार्यों के जानकारी जनता के बीच जा के देवत हवय. सोमवार के एकात्म परिसर म उत्तर विधानसभा क बइठक आयोजित करे गिस. उमन कहिन के, भाजपा हर विधानसभा म कार्यकर्ता मन के सम्मेलन करवात हे. इहीं कड़ी म रायपुर के चारों विधानसभा क्षेत्र मन म कार्यकर्ता मन के सम्मेलन 29 मार्च तक होही. ठीक अइसने उत्तर विधानसभा म कार्यकर्ता मन के सम्मेलन 30 मार्च के दक्षिन विधानसभा म 1 अप्रैल अउ पश्चिम विधानसभा म 2 अप्रैल के आयोजित करे जाही.
Other Articles
