प्रधानमंत्री आवास अउ मनरेगा के निर्माण कार्य के बैइठका, आवास के मस्टर रोल ल देरी ले जारी करे बर तकनीकी सहायक ल कारण बताओं नोटिस जारी

दुर्ग। छत्तीसगढ़ के दुर्ग म जिला कलेक्टर ऋचा प्रकाश चौधरी के निर्देश म जिला पंचायत सीईओ बजरंग कुमार दुबे के अध्यक्षता म जिला पंचायत सभा कक्ष म प्रधानमंत्री आवास अउ मनरेगा के निर्माण कार्य के बैइठका होईन। जेमा जिला पंचायत सीईओ ह संबंधित अधिकारी ल प्रधानमंत्री आवास ग्रामीण अंर्तगत स्वीकृत जम्मों निर्माण कार्य ल तत्काल शुरु करे के अउ हितग्राही मन ल प्रोत्साहित करे बर किहीस, ताकि ओ मन निर्माण कार्य ल समय-सीमा म पूर्ण कर सकय। ओ मन ह जम्मों आवास योजना ले सम्बंधित कर्मचारी मन ल नियमित रूप ले कार्य के निरीक्षण करे बर निर्देशित करिस।

उहें बैइठका के दौरान पाए गिस कि प्रधानमंत्री आवास ग्रामीण कार्य म महात्मा गांधी मनरेगा अंतर्गत मस्टर रोल जारी करे म विलम्ब होवत हे, जेखर उपर जिला पंचायत सीईओ दुबे ह नाराजगी जताईस। अउ प्रधानमंत्री आवास निर्माण कार्य के मस्टर रोल ल देरी ले जारी करे बर पोषण कुमार सिंह, जयंत कुमार कंवर तकनीकी सहायक धमधा ल कारण बताओं नोटिस जारी करे के निर्देश दिस। उहें जिला पंचायत सीईओ दुबे ह किहीन कि विशेष ध्यान देवत प्रत्येक हितग्राही मन के मस्टर रोल नियमित रूप ले मेंटेन करे जाए। बैइठका म सीईओ दुबे ह तकनीकी सहायक अउ विकासखण्ड समन्वयक ल निर्देशित करिस कि प्रधानमंत्री आवास (ग्रामीण) के हितग्राही मन ले तत्काल संपर्क करे अउ निर्माण कार्य प्रारंभ करे जाए। संग म निर्माण कार्य के आधार उपर नियमानुसार किस्त के राशि डीबीटी के माध्यम ले हितग्राही मन के खाते म नियमित रूप ले जारी होवत हे. अउ ए घलो ध्यान रखे जाए कि मनरेगा अंतर्गत अमृत सरोवर अउ तालाब के निर्माण कार्य ल घलो यथा शीघ्र प्रारंभ करे के निर्देश दे गिस। संग म ही जिले म लखपति दीदी बर मनरेगा के तहत स्वीकृत मवेशी शेड निर्माण कार्य ल घलो यथा शीघ्र शुरु करके अउ स्कूल म किचन शेड अउ स्कूल बाउन्ड्रीवॉल निर्माण कार्य प्रारंभ करे बर कहे गिस। ए अवसर म जम्मो जनपद पंचायत सीईओ, पीएम आवास अउ मनरेगा तकनीकी सहायक अउ विकासखण्ड समन्वयक अउ सम्बंधित अधिकारी मन उपस्थित रीहिन।