हर गांव-हर गौठान म रोका-छेका बर होही बइठक

जय जोहार…. मुख्यमंत्री भूपेश बघेल ह खरीफ फसल के सुरक्षा ल धियान म रखत हुए खुले म पशु के चराई म रोक लगाय बर ग्रामवासी मन ले रोका-छेका बर बइठक कर 19 जून ले ए व्यवस्था ल लागू करने के अपील करे हे।

जेखर तहत मुख्य सचिव आरपी मण्डल ह सब्बो जिला के कलेक्टर अऊ जिला पंचायत के मुख्य कार्यपालन अधिकारी मन ल ये सुनिश्चित करे ल केहे हे कि अवइया 19 जून तक सब्बो गांव अऊ गौठान म पंच, सरपंच, जनप्रतिनिधि, ग्रामवासी, गणमान्य नागरिक अऊ चरवाहा ह मिल के रोका-छेका के व्यवस्था ल लागू करे के संबंध म निर्णय ले अऊ ए व्यवस्था ल लागू करे। रोका-छेका के व्यवस्था ल आन फसल ल लेने के संभावना ह घलो बाढ़ जाही।
मुख्य सचिव आरपी मण्डल ह कहिन कि अवइया बुवाई के मौसम के मद्देनजर रोका-छेका के परम्परा ह बड़ अकन प्रासंगिक हे। मुख्यमंत्री के निर्देश के अनुसार पूरा प्रदेश म पशु के खुले म चराई म रोक लगाना सुनिश्चित कर जाए।

एखर बर 19 जून तक सब्बो गांव अऊ गौठान म रोका-छेका बर बइठक आयोजित कर स्थानीय पशुपालक समुदाय के तरफ ले प्रतित्रा ले जाए कि वे अपन मवेशी ल खुले म चरने नई देही।