लइका मन ल मध्यान्ह भोजन म परूसत हे माड़ मिले दाल

जशपुर म मध्यान्ह भोजन कार्यक्रम का बुरा हाल , मीनू के नई होत हे पालन

जशपुर. जिला म शासकीय प्राथमिक अउ माध्यमिक शाला मन म संचालित मध्यान्ह भोजन कार्यक्रम के बुरा हाल हे. बच्चा मन ल पौष्टिक आहार नई मिल पात हे. कतको स्कूल मन म दाल के जगा चावल बनाए के बाद जे माड़ बचथे, ओमा हल्दी मिलाके लइका मन के थाली म परोसे जात हे. फरसाबहार विकासखंड के कंदई बहार के प्राथमिक शाला म दउरा करे गिस त इहां मऊका म माड़ मिले दाल छात्र मन ल खाए बर देय गिस.

दरअसल, सरकार लइका मन के शरीर म हिमोग्लोबीन स्तर ल बढ़ाए बर चना व गुड़ खिलाए के आदेस कुछु बछर पहिली जारी करे गिस. लेकिन ये आदेश के जिला म पालन नई होवत हे. बहिनिया स्कूल म प्रार्थना के बाद बच्चा मन ल गुड़ व चना देना हे. उहीं शनिवार के अंकुरित चना, गुड़ अउ दूध ले बने खीर घलो लइका मन ल खेलाना हे. लेकिन जिला म एखर पालन नई होवत हे.

जशपुर विकासखंड सिक्षा अधिकारी मिथिलेश सिंह सेंगर ह बताइस के, जिला सिक्षा अधिकारी कार्यालय से जारी मीनू के आधार म मध्यान्ह भोजन के संचालन करे जात हे. दूध के उपलब्धता नई होये के कारन शनिवार के खीर के जगा लइका मन ल खिचड़ी देय जात हे.