रमन-बृजमोहन रायपुर, सरोज दुर्ग म कह ही ‘मैं भी चौकीदार’

रायपुर. राफेल घोटाला ले लेकर विपक्ष के लगातार आक्रमन झेलत भाजपा ह कांग्रेस के ‘चौकीदार चोर है’ स्लोगन के तोड़ निकाल लिस हे. पीएम मोदी ह ‘मैं भी चौकीदार’ कैंपेन प्रारंभ करिस. मोदी समेत देस के तमाम भाजपा नेतामन अउ कार्यकर्तामन ह अपन नाम के आघू चौकीदार सब्द जोड़ लिस हे. कांग्रेस के ये स्लोगन हमला के जवाब प्रदेस म घलो भाजपा ये कैंपेन के जरिये करेही. उहें पीएम मोदी ह संझा 5 बजे देश के जनता ल संबोधित करही. जेखर 500 जगा म प्रसारण हो ही.

जेमा 31 मार्च रविवार के प्रदेस के सब्बो 27 जिला म कार्यक्रम के आयोजन करही. ये आयोजन के जरिये भाजपा आम जनता ल लुभाये के प्रयास करही. रायपुर सहर म डॉ रमन सिंह ये कार्यक्रम के प्रमुख वक्ता रह ही. उमन एकात्म परिसर म संबोधित करही. बृजमोहन अग्रवाल रायुपर ग्रामीण, राज्य सभा सांसद सरोज पाण्डेय दुर्ग म अउ प्रदेस अध्यक्ष विक्रम उसेंडी बालोद म संबोधित करही.