बिना राशन कार्ड वाले प्रवासी श्रमिक अउ व्यक्ति मन ल जुलाई अउ अगस्त म घलो मिलही मुफ्त चावल

जय जोहार…. मुख्यमंत्री भूपेश बघेल के निर्देश म बिना राशनकार्ड वाले प्रवासी व्यक्ति अउ श्रमिक मन ल जुलाई अउ अगस्त म घलो मुफ्त राशन ह मिलही।

बिना राशनकार्ड प्रवासी व्यक्ति अउ श्रमिक मन ल उचित मूल्य के दुकान ले मई अउ जून माह म प्रति व्यक्ति, प्रति माह पांच किलो मुफ्त चावल वितरण करे गे हे। एला अब बढ़ा के 31 अगस्त कर दे गे हे।
सीएम भूपेश बघेल के निर्देश म ए संबंध म आज मंत्रालय ले खाद्य नागरिक अउ उपभोक्ता संरक्षण विभाग के तरफ ले प्रदेश के सब्बो कलेक्टर मन ल पत्र जारी कर दे गे हे। जेमा निर्देश के अनुसार 31 अगस्त तक चावल वितरण कराय ल केहे गे हे।
ए योजना के तहत हितग्राही मन के पहचान बर आधार नम्बर नई होय म मतदाता परिचय पत्र, पैन कार्ड, किसान फोटो पासबुक अथवा राज्य शासन, जिला प्रशासन के तरफ ले जारी आन फोटो युक्त परिचय पत्र ल घलो मान्य करे गे हे।