मंत्री अकबर ह वीडियो कांफ्रेंसिंग ले स्थानीय जनप्रतिनिधि मन ले करिन चर्चा

जय जोहार…. वन अऊ परिवहन मंत्री मोहम्मद अकबर ह आज कवर्धा जिला के जनप्रतिनिधि मन ले वीडियो कांफ्रेंसिंग के जरिये बइठक कर मनरेगा कार्य के समीक्षा करिन। ए बइठक म कवर्धा, पंडरिया नगर पंचायत, पांडातराई, पिपरिया, बोड़ला, लोहारा के जनप्रतिनिधि अऊ अधिकारी ह शामिल होइस।

ए अवसर म मंत्री अकबर ह जनप्रतिनिधि मन ले कोरोना वायरस अऊ रोजगार मूलक कार्य के संबंध म चर्चा करिन। ए दौरान अकबर ह क्षेत्र म बताय गे कठिनाई ल दूर करे के आश्वासन दे हे। ऊहचे राजीव गांधी किसान न्याय योजना के तहत किसान मन के खाते म राशि ल पहुंचाये म चर्चा करे गिस। जन प्रतिनिधि मन के तरफ ले सब्बो के खाते म पैसा पहुंचे के जानकारी दे गिस।