आज वीडियो कांफ्रेंसिंग ले खाद्य अधिकारी मन के बइठक लेही मंत्री अमरजीत भगत

जय जोहार…. खाद्य अउ नागरिक आपूर्ति मंत्री अमरजीत भगत ह आज शाम चार बजे वीडियो कांफ्रेंसिंग ले खाद्य अधिकारी मन के बइठक लेही। ए बइठक म खाद्य विभाग ले संबंधित कार्य के समीक्षा करही। संगेसंग अवइया दिवस के कार्य म चर्चा करही।
कोविड-19 महामारी के दौरान खाद्य विभाग ह छ्त्तीसगढ़ म महत्वपूर्ण भूमिका ल निभाय रिहिस। ए दौरान हर नागरिक तक राशन ल पहुंचाये बर मंत्री अमरजीत भगत के निर्देशन म खाद्य विभाग के अमला ह मुस्तैदी ले लगे रही। लॉकडाउन के बाद अनलाक म घलो खाद्य आपूर्ति ल ले के विभाग ह मुस्तैद हे।
अलग-अलग योजना ले खाद्य विभाग ह गरीब अउ जरूरतमंद मन तक राशन के आपूर्ति करत हे। गौरतलब हे कि छत्तीसगढ़ राज्य के पीडीएस सिस्टम ल पूरा देश सबले सशक्त माने जावत हे। प्रधानमंत्री गरीब कल्याण अन्न योजना के क्रियान्वयन म छत्तीसगढ़ अग्रणी राज्य म ले हे।