जय जोहार। नगरीय प्रसासन, विकास अउ श्रम मंत्री डॉ. शिवकुमार डहरिया (Minister Dr. Shivkumar Dahria) ह आरंग क्षेत्र के ग्राम गनौद म आयोजित कार्यक्रम म सामिल होइन। डॉ. डहरिया ह गनौद म आयोजित मड़ई मेला म सामिल होइन । ए दउरान डॉ. डहरिया ह ग्राम के वृद्धजन ल सम्मानित करीन । उंहे मंत्री डॉ. डहरिया ह ग्राम के सरपंच भुनेश्वरी डागेश्वर साहू अउ ग्रामवासी के मांग म करीबन 80 लाख रुपिया के विकास काम के घोसना करीन हे ।
जेमा धान खरीदी केंद्र म सीसी रोड निर्माण बर 69.66 लाख रुपिया, साहू समाज सामुदायिक भवन निर्माण बर 6.50 लाख रुपिया, पनखटिया तालाब म शेड निर्माण बर 02 लाख रुपिया, गौरा गौरी मंच निर्माण बर 1.50 लाख रुपिया के विकास काम के घोसना करीन हे। निर्माण काम के घोसना होय म स्थानीय जनप्रतिनिधि अउ ग्राम वासी ह मंत्री डॉक्टर शिवकुमार डहरिया के प्रति आभार घलो व्यक्त करीन हे ।
कार्यक्रम म अध्यक्ष जनपद पंचायत आरंग खिलेश्वर देवांगन, कोमल साहू, माखन कुर्रे, देवराज जांगड़े, ईश्वर जोगलेकर, भुनेश्वरी साहू, डोमन लाल साहू, चित्ररेखा निर्मलकर, मोतिम पटेल, पिंकी तारक, नारायण साहू, डागेश्वर साहू, रूपाली निषाद, पार्वती निषाद, देवकुमारी साहू, नीरा तारक, दीपा तारक, भारती धुव, दिनेश्वर निर्मलकर, कृष्णा निर्मलकर, दुष्यंत यादव, भारती गिलहरे, दुलेश गिलहरे, पिंकी बांधे, सरोज बांधे, अनुज भट्ट उपस्थित रिहीन ।
