chhattisgarh : मंत्री डॉ. शिव कुमार डहरिया ह दीन हे आरंग क्षेत्र म 1.24 करोड़ ले जादा के विकास काम के सौगात

जय जोहार । (chhattisgarh) नगरीय प्रसासन अउ विकास -श्रम मंत्री डॉ. शिव कुमार डहरिया ह किहीन कि छत्तीसगढ़ म मुख्यमंत्री भूपेश बघेल के नेतृत्व म राज्य के किसान मन के फायदा बर सबो काम होवत हे । वो हा किहीन कि छत्तीसगढ़ म अधिकांस जनसंख्या ह कृषि म निर्भर हे अउ हमन सबो किसान म निर्भर हंन । किसान हितैषी नीति अउ फइसला ले प्रदेस के किसान समृद्ध होवत हे।

(chhattisgarh) मंत्री डॉ. डहरिया ह किहीन कि किसान मन के हित बर किसान के कर्ज माफ करे गेहे, सिंचाई कर ल माफ करे गेहे। सिंचाई बर पर्याप्त बिजली मिलत हे । राजीव गांधी किसान न्याय योजना के तहत किसान मन ल आदान सहायता के रूप म सीधा ओखर बैंक खाता म रासि अंतरित करे जात हे । किसान मन के परिवार के जरूरत बर राजीव गांधी किसान न्याय योजना के तहत छत्तीसगढ़ के तीज तिहार के पहले किसान मन के खाता म रासि डाले जावत हे ।

अइसने महिला सहित कमजोर वर्ग के मनखे मन ल कई ठीन कल्याणकारी योजना ले लाभान्वित करे जात हे । डॉ. डहरिया ह आज रायपुर जिला के आरंग विकासखण्ड के कई ठीन ग्राम म विकास काम के लोकार्पण अउ भूमिपूजन कार्यक्रम ल सम्बोधित करत रिहीन । डॉ. डहरिया ह आज आरंग के ग्राम सेमरिया, पचेड़ा बरभाठा अउ रसनी म करीबन एक करोड़ 24 लाख के जादा के विकास काम के सौगात दीन ।