मंत्री लक्ष्मी राजवाड़े ह राष्ट्रीय बालिका दिवस के दिन बधाई

रायपुर : महिला अउ बाल विकास मंत्री लक्ष्मी राजवाड़े ह जम्मों बालिका मन ल 24 जनवरी राष्ट्रीय बालिका दिवस के अवसर म बधाई अउ शुभकामना देवत उखर उज्ज्वल भविष्य के कामना करिन हे। ओमन ह अपन शुभकामना संदेश म कहिन कि बालिका मन के मूल सुविधा, सम्मान अउ आजादी के प्रति लोगन मन ल जागरूक करे बर अउ उखर प्रति भेदभाव ल समाप्त करे बर उद्देश्य ले हर साल राष्ट्रीय बालिका दिवस मनाए जात हे। ओमन ह कहिन कि राज्य सरकार बालिका मन बर अनुकूल वातावरण अउ नवा अवसर देय बर प्रतिबद्ध हे। प्रदेश म बालिका मन के अधिकार, शिक्षा, स्वास्थ्य अउ पोषण बर प्राथमिकता ले काम करे जात हे।

उहें ओमन कहिन कि परिवार अउ समाज ल घलो बेटि मन के संग मजबूती ले खड़े रहे के जरूरत हे। ओमन ह जम्मों बेटि मन ले कहिन कि वो आगु बढ़य अउ अपन सपना साकार करय, राज्य सरकार के सहयोग हमेशा उखर संग हे।