मुख्यमंत्री विष्णुदेव साय ह राष्ट्रीय बालिका दिवस के दिन बधाई

रायपुर : मुख्यमंत्री विष्णु देव साय ह 24 जनवरी के राष्ट्रीय बालिका दिवस के अवसर म शुभकामना देवत  जम्मों बेटि मन के उज्ज्वल भविष्य के कामना करिन। ओमन ह कहिन कि समाज म बालिका मन ल उखर अधिकार मन के प्रति जागरुक करे बर अउ उखर संग होवइया भेदभाव के प्रति लोगन ल जागरुक करे के उद्देश्य ले प्रत्येक वर्ष 24 जनवरी के राष्ट्रीय बालिका दिवस मनाए जाथे।

एला लेके CM साय ह कहिन कि बालिका मन देश-प्रदेश, समाज अउ परिवार के शान, मान अउ अभिमान होथे। ओमन ल सशक्त बनाए बर सुरक्षित अउ सहज माहौल देय के जरूरत हे। एखर बर समाज ल अधिक जागरूक होए के आवश्यकता हे। मुख्यमंत्री साय ह कहिन कि छत्तीसगढ़ म महिला मन के सम्मान के परंपरा रहे हे। इही कारण प्रदेश के प्रगति म छत्तीसगढ़ के बेटि मन अप्रतिम योगदान देवत हे। ए बहन बेटि अउ माता मन बर बेहतर वातावरण ले संभव होए हे। ओमन ह कहिन कि बेटि खूब पढ़य, निडर होके आघु बढ़य, अपन सपन ल साकार करिन अउ घर परिवार के संग देश-प्रदेश के उन्नति म घलो सहभागी बनिन, एखर बर हमर सरकार दृढ़ संकल्पित हे।