Raipur : मंत्रीपरिसद के बइठक होगे सुरू, बजट अउ दूसर बिसय म मंत्री मन के संग होवत हे चर्चा, सीएम भूपेश बघेल ह करत हे अध्यक्षता

जय जोहार…. (Raipur ) सीएम भूपेश बघेल के अध्यक्षता म आज बिहनिया 11 बजे ले मंत्रीपरिसद के बइठक सुरू हो गेहे। ए बइठक म मंत्री अउ वरिष्ठ अधिकारी मन मौज़ूद हे । ये बइठक ह रईपुर के मुख्यमंत्री निवास कार्यालय म होवत हे।

बताये जावत हे किे (Raipur ) ए बइठक म मुख्यमंत्री भूपेश बघेल डहार ले गणतंत्र दिवस के मउका म करे घोसना के अनुमोदन करे जाही । एखर आलावा बजट म घलो मंत्री संग चर्चा करे जाही ।

ए बइठक म राजीव गांधी भूमिहीन किसान योजना ल मंजूरी दे जाही । संगेसंग बजट सत्र के तैयारी ल लेके घलो चर्चा होवइया हे। (Raipur ) ए बइठक म नवा रईपुर म प्रस्तावित सेवाग्राम ल लेके बातचीत हो सकत हे । एखर अतिरिक्त अमर जवान शहीद ज्योति कारीकरम ल लेके घलो चर्चा होही।