स्पेशल ट्रेन ले रायपुर पहुंचीन श्रमिक मन के विधायक विकास उपाध्याय ह करिन स्वागत, मास्क अऊ भोजन देके भेजे हे घर

जय जोहार…. लॉकडाउन के सती देश भर म फंसे छत्तीसगढ़ के मजदूर मन के घर वापसी ह सुरू हो गे हे। गुरुवार के स्पेशल ट्रेन ल रायपुर पहुंचीन मजदूर मन के कांग्रेस विधायक विकास उपाध्याय ह स्वागत करिन। ए दौरान विधायक ह मजदूर मन ल मास्क अऊ भोजन दे के अऊ गाड़ी म बइठा के ओखर घर बर रवाना करिन। ए मऊका म विधायक विकास उपाध्याय ह कहिन कि लॉकडाउन के सती दूसर राज्य म फंसे छत्तीसगढ़ के मजदूर मन के घर वापसी के खर्चा ल कांग्रेस के राष्ट्रीय अध्यक्ष सोनिया गांधी अऊ राहुल गांधी के निर्देश म कांग्रेस संगठन अऊ राज्य सरकार ह उठावत हे।