जय जोहार…. सीबीएसई ह बड़का फइसला ले हे। ए साल नवमी अऊ ग्यारहवीं म फेल हुये स्टूडेंट ल दुबारा मऊका दे जाही। छात्र मन ल स्कूल आधारित टेस्ट के आधार म अपन परफार्मेंस सुधारे अऊ पास कर अवइया क्लास म प्रमोशन के मऊका मिलही। ए मऊका ह उन छात्र मन ल दे जाही। जेखर परीक्षा ह पूरा हो गे हे अऊ रिजल्ट आ गे हे या ओखर परीक्षा ह पूरा नई हो पाय हे। ये टेस्ट ह विषय अऊ ओखर अटेंप्ट के आधार म ले जाही।
सीबीएसई ह कहिन कि स्कूल अइसे लईका मन ल दुबारा संपर्क कर के ओखर आनलाइन या आफलाइन या इनोवेटिव टेस्ट कराही अऊ ये तय करही कि ओ मन ल टेस्ट के आधार म पास करे जा सकत हे या नई। एखर बर स्कूल ह लईका मन के तैयारी के उचित समय घलो देही। ये नियम ह सीबीएसई ले संबद्ध सब्बो स्कूल म लागू होही। सीबीएसई ह गुरुवार के जारी नोटिफिकेशन म ये घलो स्पस्ट करे हे कि ये मऊका ह सिरिफ ए साल दे गे हे। ये फइसला कोविड 19 के हालात ल देखत हुये ले गे हे, जेन ह भविष्य म मान्य नई होही।
No Comment! Be the first one.