‘मोबाइल बांटे के स्काई योजना के जांच होही जांच’

विधानसभा म कांग्रेस विधायक लक्ष्मी ध्रुव के प्रस्न के उत्तर दिस भूपेश ह
रायपुर : विधानसभा म कांग्रेस विधायक लक्ष्मी ध्रुव ह स्काई योजना के तहत बांटे गे मोबाइल के मुद्दा उठाइस.

लक्ष्मी ध्रुव ह सरकार ले पूछिस, ‘प्रदेस म जब नेटवर्क के सही बेवस्था नइए, तो फोर स्काई योजना म मोबाइल बांटे ले का फायदा हे. लक्ष्मी ध्रुव के सवाल क जवाब देवत हुए मुख्यमंत्री भूपेश बघेल ह राज्य म 55.6 लाख मोबाइल बांटे के स्काई योजना के जांच कराए अउ 9 लाख बचे हुए मोबाइल ल कंपनी ल वापिस करे के घोसना करिस हे.

‘सरकारी धन के लूट मचाइस’

कांग्रेस विधायक लक्ष्मी ध्रुव के सवाल के जवाब म सीएम भूपेश बघेल ह
कहिन, ‘पंचायत के योजना के पइसा के घलो बंदरबांट करे के कोसिस करे गिस हे. योजना म सरकारी धन के दुरुपयोग करे गिस अउ पूरा योजना म सरकारी धन के लूट मचाए गिस हे’.

सीएम भूपेश बघेल ह बताइस के, ‘मोबाइल म एप दे बर एक समिति बनाए गिस, मोबाइल म प्रधानमंत्री मोदी के निजी एप नमो अउ तत्कालीन सीएम के निजी एप ‘रमन’ घलो एमामें डाले गिस’.

‘पार्टी के प्रचार करे बर डाले गिस एप’

उमन कहिन, ‘निजी एप के जरिए पार्टी के प्रचार करे गिस. पीएम के
व्यक्तित्व एप अउ रमन सिंह के व्यक्तिगत एप डालके बीजेपी के प्रचार करे
के कोसिस करे गिस’.