पीएम ल कोडेगांव के मीना ह दीस अपन समूह के विकास के जानकारी

रायपुर। प्रधानमंत्री नरेंद्र मोदी ह आज स्व सहायता समूह के महिला मन ले बात करिन। ये दउरान महिला मन ह प्रधानमंत्री नरेंद्र मोदी ले अपन अनुभव ल सेयर करिन। पीएम ले राजनांदगांव के ईंट बनाय के काम करइया महिला मन ह सोझे बात करिन।
राजनांदगांव के कोडेगांव के रहइया मीना मांझी ह पीएम ल बताइस के उंखर समूह ईंट के बनाथे। जेकर बर बैंक ले लोन ले गेहे। ईंट ल बेचके जे पइसा आथे, ओकर इस्तेमाल कृषि कार्य बर करे जाथे, येकर ले एक-दूसर के मदद हो जाथे। मीना ह बताइस के ग्राम पंचायत ह उंखर ईंट खरीदथे। हमन 12 महिला मन ह समूह के रूप म काम करथन। ये बछर हमन ह 1 लाख ईंट बनाय रहेन। जेकर ले 8 से 10 हजार रुपिया के हर महिला ल कमाई होइस हे। मीना ह बताइस के उमन ल ये काम म 30 फीसदी तक के लाभ होवत हे।
पीएम मोदी के कहिना रिहिस हे के नक्सल प्रभावित दंतेवाड़ा म सरकार के मदद ले महिला मन ह आत्मनिरभर बनत हे। आघू पीएम ह कहिन के छत्तीसगढ़ म महिला मन ल ई-रिक्शा म सवारी करे के मउका मिले हे। महिला मन आज ई-रिक्शा चलात हे। जेकर ले दुर्गम इलाक मन म आवाजाही करना आसान होगे हे। अउ महिला मन के आय घलो बढ़ीस हे।