जय जोहार…. विश्व मजदूर दिवस के सबो मजदूर साथी मन ल प्रदेश कांग्रेस अध्यक्ष मोहन मरकाम ह बधाई दे हे। वो हा कहिन कि आज कोरोना संक्रमण के विकट स्थिति के बावजूद मुख्यमंत्री भूपेश बघेल के कांग्रेस सरकार ह मजदूर मन के संग खड़े हे अऊ ओखर बर काम करत हे।
छत्तीसगढ़ म कांग्रेस सरकार ह देश ले पहले कोरोना म नियंत्रण के काम ल जन-जन के सहयोग से करे हे। प्रदेश म कांग्रेस पार्टी अऊ मोर्चा-संगठन मन के लोग ह सरकार के कंधा से कंधा मिला के जन-जन अऊ खासकर गरीब, मजदूर, आशक्त जन के मदद करे म लगे हुये हे। वो हा कहिन कि शुरू म रायपुर, दुर्ग, राजनांदगांव अऊ कोरबा जैसा बड़े शहर म कोरोना संक्रमण के मामला सामने आइस। सरकार, प्रशासन, पुलिस अऊ स्वास्थ्य विभाग ह तत्काल प्रभावी नियंत्रण करिस अऊ आज ये बड़े महानगर ह कोरोना के संक्रमण ले मुक्त हे।
वो हा कहिन कि कोरबा जिला के कटघोरा म कोरोना संक्रमण ह तेजी ले फैलना शुरू करे रहिस। छत्तीसगढ़ सरकार के तरफ ले उठाए गिस कड़े कदम के बाद प्रशासन, पुलिस अऊ स्वास्थ्य विभाग ह कोरोना म कटघोरा म प्रभावी अंकुश लगाय म सफलता प्राप्त करे हे। अब कोरबा जिला अऊ कटघोरा ह संक्रमण ले मुक्त हो चुके हे।
वो हा कहिन कि छत्तीसगढ़ के हर व्यक्ति के चिंता छत्तीसगढ़ सरकार अऊ मुख्यमंत्री भूपेश बघेल ल हे। गरीब, मजदूर, असहाय, निशक्त, जंगल मन म रहवइया, रोज कमइया, रोज खवइया लोग कांग्रेस के प्राथमिकता म हे। लॉकडाउन ह गरीब मजदूर मन ल सबले ज्यादा प्रभावित करिस।
No Comment! Be the first one.