छत्तीसगढ़ म मानसून ह देरी ले देही दस्तक, अभी प्री मानसून सेति होवत हे बारिश

जय जोहार…. छत्तीसगढ़ म मानसून ह जून के दूसर सप्ताह म दस्तक देत हे, लेकिन ए बार एखर पहुंचे म देरी हो सकथे। अरब सागर म लो प्रेशर बने के सेति मानसून ह अभी केरल नई पहुंचे हे। अभी सिरिफ प्री मानसून के सेति बारिश होवत हे।

मौसम विभाग के अनुसार एखर पहिले एक जून के केरल म मानसून ह दस्तक देवइया रहिस। इहां मानसून ह पहुंचे के बाद छत्तीसगढ़ आय म 10 ले 15 दिन के बेरा लगथे। वर्तमान म प्री मानसून सेति छत्तीसगढ म बारिश होवत हे। एखर सेति राज्य के कई स्थान म मौसम म बदलाव होवत हे। प्रदेश म मानसून ह 10 जून क बाद पहुंचे के आसार रहिस, लेकिन अब अऊ देरी होही।