Corona: देश म पिछिले 24 घंटा म बाढ़ गे कोरोना के 1.61 लाख ले जादा नवा मामला, पढ़व

जय जोहार…. देश म पिछिले 24 घंटा म कोरोना ॰(Corona) के 1.61 लाख ले जादा नवा मरीज सामने आय हे। उहचे 97168 मरीज मन ल बने होय के बाद अस्पताल ले डिस्चार्ज कर दे गे हे। जबकि उपचार के दौरान 879 संक्रमित के मौत हो गे हे।

केंद्रीय स्वास्थ्य मंत्रालय ले जारी आंकड़ा के मुताबिक देश म पिछिले 24 घंटा म कोरोना (Corona) के 1 लाख 61 हजार 736 नवा मरीज मिल हे। एला मिला के कोरोना संक्रमण के मामला ह बाढ़ के 1 करोड़ 36 लाख 89 हजार 453 हो गे हे। जेमा ले 12 लाख 64 हजार 698 एक्टिव मामला हे।

उहचे 1 करोड़ 22 लाख 53 हजार 697 मरीज मन ह कोरोना ॰(Corona) ल मात दे दे हे, जेखर बाद ओ मन ल अस्पताल ले डिस्चार्ज कर दे गे हे। ए वायरस से देश म अब तक 1 लाख 71 हजार 058 मरीज के मौत हो गे हे।