Corona: देश म 24 घंटा म सामने आय हे 1.84 लाख ले जादा नवा मामला, पढ़व

जय जोहार…. देश म पिछले 24 घंटा म कोरोना (Corona) के 1.84 लाख ले जादा नवा मरीज के पहाचन होय हे। उहचे 82339 संक्रमित मन ल बने होय के बाद अस्पताल ले छुट्‌टी दे दे गे हे। जबकि इलाज के दौरान 1027 मरीज के मौत हो गे हे।

केंद्रीय स्वास्थ्य मंत्रालय ले जारी आंकड़ा के मुताबिक देश म बीते 24 घंटा म कोरोना (Corona) के 1 लाख 84 हजार 372 नवा मरीज मिले हे। एला मिला के कोरोना संक्रमण के मामला ह 1 करोड़ 38 लाख 73 हजार 825 हो गे हे। जेमा ले 13 लाख 65 हजार 704 एक्टिव मामला हे।

उहचे 1 करोड़ 23 लाख 36 हजार 036 मरीज मन ह कोरोना (Corona) ल मात दे दे हे, जेखर बाद ओ मन ल अस्पताल ले डिस्चार्ज कर दे गे हे। ए वायरस ले देश म अब तक 1 लाख 72 हजार 085 मरीज मन के मौत हो गे हे।