Corona: देश म बीते 24 घंटा म मिले हे कोरोना के 12 हजार ले जादा नवा मामला, पढो पूरा खबर

जय जोहार…. देश म बीते 24 घंटा म कोरोना (Corona) के 12 हजार ले जादा नवा मामला सामने आय हे। उहचे 13689 लोगन मन ल बने होय के बाद अस्पताल ले छुट्‌टी दे दे गे हे। जबकि ए वायरस ले 137 लोगन मन के मौत हो गे हे।

केंद्रीय स्वास्थ्य मंत्रालय ले जारी आंकड़ा के मुताबिक देश म पिछिले 24 घंटा म कोरोना (Corona) के 12689 नवा मरीज मिले हे, एला मिला के देश म कोरोना संक्रमण के मामला ह बाढ़ के 1 करोड़ 06 लाख 89 हजार 527 हो गे हे। जेमा ले 1 लाख 76 हजार 498 एक्टिव मामला हे।

उहचे एक करोड़ 03 लाख ले जादा लोगन मन ह कोरोना (Corona) ल मात दे दे हे, जेखर बाद ओ मन ल अस्पताल ले छुट्‌टी दे दे गे हे। ए वायरस ले देश म अब तक 1 लाख 53 हजार 724 लोगन मन के मौत हो गे हे।