Corona: देश म बीते 24 घंटा म मिले हे 13 हजार ले जादा नवा मरीज, पढ़व पूरा खबर

जय जोहार…. देश (Corona) म पिछिले 24 घंटा म कोरोना के 13 हजार ले जादा नवा मामला सामने आय हे। उहचे 14808 संक्रमित मन ल बने होय के बाद अस्पताल ले छुट्‌टी दे दे गे हे। जबकि इलाज के दौरान 137 संक्रमित मन के मौत हो गे हे।

केंद्रीय स्वास्थ्य मंत्रालय ले जारी आंकड़ा के मुताबिक देश म बीते 24 घंटा म कोरोना (Corona) के 13083 नवा मामला मिले हे। एला मिला के कोरोना संक्रमित मन के संख्या ह 1 करोड़ 07 लाख 33 हजार 131 हो गे हे। जेमा ले 1 लाख 69 हजार 824 एक्टिव मामला हे।

उहचे 1 करोड़ 04 चार 09 हजार 160 लोगन मन ह कोरोना (Corona) ल मात दे दे हे, जेखर बाद ओ मन ल अस्पताल ले छुट्‌टी दे दे गे हे। ए वायरस ले देश म अब तक 1 लाख 54 हजार 147 लोगन मन के मौत हो गे हे।