Corona: देश म बीते 24 घंटा म सामने आय हे 14 हजार ले जादा नवा मरीज, पढ़व

जय जोहार…. (Corona) देश म पिछिले 24 घंटा म कोरोना के 14 हजार ले जादा नवा मरीज के पहचान होय हे। उहचे 11667 मरीज मन ल बने होय के बाद अस्पताल ले छुट्टी दे दे गे हे। जबकि इलाज के दौरान 90 मरीज के मौत हो गे हे।

केंद्रीय स्वास्थ्य मंत्रालय ले जारी आंकड़ा के मुताबिक देश म बीते 24 घंटा म कोरोना (Corona) के 14264 नवा मामला मिले हे। एला मिला के कोरोना संक्रमण के मामला ह 1 करोड़ 09 लाख 91 हजार 651 हो गे हे। जेमा ले 1 लाख 45 हजार 636 एक्टिव मामला हे।

उहचे 1 करोड़ 06 लाख 89 हजार 715 लोगन मन ह कोरोना (Corona) ल मात दे दे हे, जेखर बाद ओ मन ल अस्पताल ले डिस्चार्ज कर दे गे हे। ए वायरस ले देश म अब तक 1 लाख 56 हजार 302 मरीज मन के मौत हो गे हे।