Corona: देश म पिछले 24 घंटा म बाढ़ गे 17 हजार ले जियादा कोरोना मरीज, 407 लोगन मन के होइस मौत

जय जोहार…. देश म कोरोना (corona) ले संक्रमित मरीज मन के संख्या ह सरलघा बाढ़त जावत हे। देश म कोरोना के कुल मरीज ह 4 लाख 90 हजार ले जियादा हो गे हे। पिछले 24 घंटा म कोरोना (corona) ले संक्रमित 17296 नवा मरीज के पहचान होय हे। जबकि ए दौरान 407 लोगन मन के मौत हो गे हे।
स्वास्थ्य मंत्रालय के आकड़ा के मुताबिक देश म अब कोरोना (corona) संक्रमित मरीज मन के संख्या ह 4 लाख 90 हजार 401 हो गे हे। जबकि एक लाख 89 हजार 463 सक्रिय मामले हे। ऊहचे 2 लाख 85 हजार 637 लोगन मन ह कोरोना ल मात दे दे हे अऊ अपन घर लहुट चुके हे। ए वायरस ले अब तक 15301 लोगन मन के जान चले गे हे।