Corona: सरलघा बाढ़त हे कोरोना के रफ्तार, देश म पिछले 24 घंटा में 22 हजार ले जियादा नवा मामले

जय जोहार…. देश म कोरोना (corona) संक्रमित मरीज मन के संख्या ह कम होय के नाम नई लेवत हे। देश में कोरोना संक्रमित कुल मरीज मन के संख्या ह सात लाख ले जियादा हो गे हे।

पिछले 24 घंटा म कोरोना (corona) के 22252 नवा मामले के पहचान होय हे। ए दौरान 467 लोगन मन के जान चले गे हे।

केन्द्रीय स्वास्थ्य मंत्रालय ले जारी आकड़ा के मुताबिक देश में कोरोना (corona) संक्रमित मन के कुल संख्या ह सात लाख 19 हजार 665 हो गे हे। जेमा ले 2 लाख 59 हजार 557 सक्रिय मामले हे।

ऊहचे चार लाख 39 हजार 948 मरीज मन ह बने हो के अपन घर लहुट चुके हे। ए वायरस ले अब तक 20160 लोगन मन के मौत हो गे हे।