Corona: देश म 24 घंटा म बाढ़ीस कोरोना के 26 हजार ले ज्यादा नवा मरीज, 475 लोगन मन के होइस मौत

जय जोहार…. भारत म कोरोना (corona) संक्रमित मन के संख्या ह सरलघा बाढ़त जावत हे। देश म कोरोना संक्रमण के कुल मामले ह 7.93 लाख ले जियादा हो गे हे।

पिछले एक दिन म कोरोना संक्रमण के 26506 नवा मामले ह सामने आय हे। ऊहचे ए दौरान 475 लोगन मन के जान चले गे हे।

केन्द्रीय स्वास्थ्य मंत्रालय ले जारी आंकड़े के अनुसार देश म अब कोरोना (corona) के कुल संक्रमित मरीज मन के संख्या ह 7 लाख 93 हजार 802 हो गे हे।

जेमा ले एक्टिव मरीज मन के संख्या ह दो लाख 76 हजार 685 हे। ए वायरस ले देश म अब तक 21604 लोगन मन के मौत हो गे हे।

ऊहचे चार लाख 95 हजार 513 लोगन मन ह कोरोना (corona) ल मात दे दे हे, जेखर बार ओ मन ह अस्पताल ले डिस्चार्ज हो के अपन घर लहुट चुके हे।